- 35 -

1313. Sept. 2. Liegnitz.

Herzog Boleslaus bestätigt der Stadt den Kauf von 3 Hufen Viehweide zu Rischinter (Rüstern) mit vollkommner Abgabenfreiheit.

In nomine domini amen. Ne ea, que a nobis aguntur, debite certitudinis robur amittant, libet ea scripti testimonio memorie commendare; nos igitur Boleslaus dei gracia dux Slesie dominusque Legnicensis ad vniuersorum ac singulorum presencium et ad futurorum noticiam volumus deuenire, quod nostri ciues Legnicensis in nostra constituti presencia asserentes, se tres mansos rite et racionabiliter emisse pro pascuis pecorum, que wlgariter dicitur eyn viweyde in nostra villa Rischinter in nostro Legnicensi districtu situata, super quo nobis precibus humilibus supplicarunt, ut super iam dictos tres mansos libertatem dare ipsis dignaremur, quorum precibus inclinati et ut eciam obuiare beneficio beneficijs videremur, dedimus eis et damus, donamus, tradimus presentibus in hijs scriptis super memoratos tres mansos in villa supradicta sitos, veram, merara et omnimodam libertatem ab omnibus solucionibus, collectis, vexacionibus, exaccionibus, vecturis, angarijs, perangarijs, quibuscumque aut quocumque nomine censeantur, perpetuo duraturam, nec non ipsis et ipsorum successoribus quibuscumque valituram et ad usus placidos conuertendam, iuxta quod ipsis et ipsorum successoribus conueniencius, commodosius et vtilius videbitur expedire vendendo, donando, commutando, prout ipsorum placuerit voluntati, sepedictos tres mansos sub libertate memorata. Vt hec autem nostra donacio a nobis et a nostris successoribus inconwlsa perseueret, presentes fieri et nostri sigilli munimine iussimus roborari. Actum in Legnicz die dominica ante diem natiuitatis Marie virginis gloriose. Anno domini M°CCC° decimo tercio, presentibus subnotatis testibus fidedignis, videlicet domino Martino Buzewoy, Bromyslao Buzewoy, Vincencio de Schiltberg, Woyschicone de Ruffa ecclesia militibus, Heinrico de Sylicz, Heinrico de Waldaw et nostro notario Heinrico de Salczburn, qui presencia habuit in commisso. Datum die et loco prenotato.

Nach Abschriften im alten Privilegb. p. 6b. und Bitschens Privilegb. f LXI V b.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866